Катарын нийслэл Доха хотод энэ сарын 15-22-нд болсон снукер бильярдын Ази тивийн аварга шалгаруулах снукер бильярдын тэмцээнд ОУХМ Б.Нарантуяа оролцож, Ази тивийн аварга анхны Монгол тамирчин болов.

Тэрбээр 15 улааны төрөлд өрсөлдөн, нэг ч үе ялагдаагүй бөгөөд тэмцээний шигшээд 2024 оны Азийн аварга Энэтхэгийн тамирчинг 3-0 харьцаагаар ялж, финалд Хонг Конгийн тамирчинг мөн 3-0 харьцаагаар ялсныг Биеийн тамир спортын улсын хороо мэдээллээ.

Б.Нарантуяа өмнө нь снукер биллиардын ДАШТ болон Ази тивийн АШТ-ээс хүрэл медаль хүртэж байсан юм.

Эх сурвалж: montsame.mn