А.Билгүүн "423", Б.Мөнхжин "seimei" нар Team Secret багт тоглоно
- 2024/11/11
#DOTA2 Дэлхийн аварга шалгаруулах тэмцээнд хамгийн олон удаа оролцож байсан, Эстонийн домогт тоглогч Клемент "Puppey" Ивановтой хамт тоглоно.
DOTA2-ын дэлхийн хамгийн алдартай багуудын нэг "Team Secret" шинэ бүрэлдэхүүнээ зарлалаа. Европт төвтэй багийн шинэ бүрэлдэхүүнд Монголын хоёр тоглогч тоглохоор болжээ.
Тодруулбал Алтангинжийн "423" Билгүүн Pos1 буюу carry байрлалд, Батсайханы "seimei" Мөнхжин Pos3 буюу offlaner байрлалд тоглох аж.
Дэлхийн аварга шалгаруулах тэмцээнд хамгийн олон удаа оролцож байсан, Эстонийн домогт тоглогч Клемент "Puppey" Иванов ахлагчтай тус баг сүүлийн жилүүдэд Малайзын "MidOne", "ah fu" Сингапурын "Kordan" зэрэг Ази тоглогчдоор багаа бүрдүүлж байв.
- АРВАННЭГДҮГЭЭР САРЫН СПОРТ: Электрон спортын дэлхийн аваргууд болно
- NARMAN Р.Нармандахын баг нэг ч хожилгүй BetBoom Dacha Belgrade-аас хасагдлаа
- Маргааш эхлэх "BetBoom Dacha Belgrade" тэмцээнд Р.Нармандах NARMAN тоглоно
Маргааш эхлэх "ESL One Bangkok 2024" тэмцээний Европын урьдчилсан шатанд оролцохоор бэлдэж буй Team Secret домогт ахлагчаасаа бусад тоглогчоо шинээр бүрдүүлсэн.
Багийн шинэ Pos2 буюу midlaner нь "One Move" багт байсан Беларусийн Алексей "Ainkrad" Дивевскы, шинэ Pos4 нь Оросын Миша "Kyzko" Галкин нар байх юм.
Team Secret хамгийн сүүлд "PGL Wallachia Season 2" тэмцээний Баруун Европын урьдчилсан шатнаас хасагдсан билээ. Багийн дасгалжуулагчаар Өмнөд Солонгосын Ли "Heen" Сон Гон, Малайзын Туэ "ah fu" Сүн Чуан нар ажиллаж байна.
Эх сурвалж: gogo.mn
