Монголын сагсан бөмбөгийн холбооны 30 дахь жилийн лигийн улирал дундын амралт дуусаж, өнөөдрөөс тоглолтууд эхэлж байна.

Өнөөдөр лигийн талбайд гурван тоглолт болох хуваарьтай. Хэдхэн мөчийн дараа эмэгтэйчүүдийн лигийн “Скорпионс”-ын бүсгүйчүүд лигт нэг ч хожигдолгүй яваа “Улаанбаатар Амазонс” багтай тоглоно. Үүний дараа лигийн сүүлийн хоёр улирлын аварга “Хүлэгүүд”, “Майнерс” гэсэн сонирхолтой дуэль сагсан бөмбөг сонирхогчдыг хүлээж байгаа юм. Өнгөрсөн жилийн аварга “Хүлэгүүд” лигийг 12-1 гэсэн амжилттайгаар итгэл төгс тэргүүлж байгаа бол 2022-2023 оны улирлын аварга “Майнерс” ердөө гуравхан хожилтой яваа. Харин өнөөдрийн сүүлийн тоглолт “Завхан Бродерс” болон “Налайх Бизон”-той тоглохоор учраас таарав.

Тэгвэл маргааш буюу Зул сарын өдөр “Бишрэлт Металл” vs “Сэлэнгэ Бодонс”, “Омни “Хүлэгүүд” vs “Аравт”, “Би Си Эйч Кнайтс” vs “Эс Жи АПЭС” гэсэн тоглолт болно
Эх сурвалж: Montsame.mn