Тажикистан улсын жүдогийн шигшээ багийнхан хамтарсан бэлтгэлд гарахаар манай улсад хүрэлцэн ирээд байна.

Шигшээ багийн ахлах дасгалжуулагч Фотех Махмадбеков, Парис-2024 олимпын наадмын хүрэл медальт, дэлхийн аварга шалгаруулах тэмцээний хүрэл медальт, Залуучуудын дэлхийн аварга Сомон Махмадбеков, Улаанбаатар, Душанбе их дуулгуудын мөнгө, Токио их дуулгын хүрэл медальт Обид Жебов, Азийн цомуудын аварга Жахонгир Мажидов, Залуучуудын дэлхийн аваргын хүрэл медальт Асадуллоев тэргүүтэй жүдочид энэ сарын 15-наас манай улсын шигшээ багтай хамтарсан бэлтгэлд гарч эхэлсэн аж.

Энэхүү хамтарсан бэлтгэлд ОХУ-ын Красноярск, Тюмен хот болон Казакстан улсын Абай мужийн жүдочид хамрагдаж байгаа ба Япон улсын  дасгалжуулагч Тацүаки Эгүса удирдаж байна.
 Эх сурвалж: montsame.mn